Arragliata arrecriata

Arragliata arrecriata

 

Erano mmerze ‘e ddiece, aieressera,

Ch’a Ffuorerotta nce spontaie lu sole.

E chi lo diciarrà maie che piacere

E la suddisfazione, quanta e cquale,

Ce nne venette a nnuie ciucce abbardate

pe cchesti ddoie malosche ‘e pallunate

ca stu Lurenzo nuosto, ommo affatato,

nzieme cu cchillo, a nnomme cumplicato:

 

Zielischi, nfacci’’a juve hanno schiaffato.

E mmo, chi ‘o ssape mo si dico buono

Ma a ‘e vvote avasta sulo nu penziero

Uno ce mette ‘o core, comme aiere,

p’’a grazia… po’ s’’o vvere Sant’Antuono.

Cert’è ca ‘e ccose nce so’ ghiute bone:

âmma iucato na ddiece ‘e partita…

e ’allurdemo ll’avimmo smafarate!

**********************

Arragliata deliziosa

Erano verso le dieci, ieri sera,

che a Fuorigrotta venne fuori il sole

e chi lo dirà mai che piacere

e la soddisfazione, quanta fu e quale,

che ce ne venne a noi asini con la soma

per queste due benedette pallonate

che questo Lorenzo nostro, uomo fatato,

assieme a quello con il nome complicato:

 

Zielinski, sul muso della juve hanno schiaffato

E ora, chi sa se adesso dico bene:

alle volte basta solo un pensiero

uno ci mette il cuore, come ieri,

per la grazia… poi se lo vede Sant’Antuono.

Certo è che le cose ci sono andate bene:

abbiamo giocato una grande partita…

e alla fine li abbiamo sderenati!

Carlo Avvisati