Arragliata cu ‘a speranza

ARRAGLIATA CU ‘A SPERANZA

 

Tre mmise, quantu tiempo,  so’ ppassate

e quanta gente a mitto se nn’è ghiuta

sotto a nu bosco d’arbere appunute

senza carezze e mmanco ’ nu saluto…

 

… ma a  nnuie ce tocca mo, pure struppiate,

de scrive e d’arragglià d’’o campionato

r’’e ccoppe ca da ogge so’  turnate

e de quanto succere ‘int’’e ppartite

 

a primma che se faciarrà stasera

sarrà  ntra milaniste e ghianchennire

priammo a Dio ca niente lle succere

e ca se jucarrà cu tutt’’o core

 

dimane po’ venimmoncenne a nnuie

dimane attocca a nnuie napulitane

ca nce la jucarrammo a nnomme ‘e Ddio

cu sti cumpare ‘e ll’Intere ‘e Milano

 

Comme iarrà, nun ’o ssapimmo ancora:

a nnuie nce piace ‘e vencere cu tutte

ma ‘a primma cosa ca tenimmo cara

e chella d’’a salute, ncopp’a ttutto.

 

 

ARRAGLIATA CON LA SPERANZA

 

tre mesi, quanto tempo, sono passati

e quanta gente è scomparsa andandosene

sottoterra in un bosco di alberi appuntiti

senza carezze e nemmeno un saluto

 

tuttavia a noi ora tocca, pur se malridotti,

di scrivere e di arragliare del campionato

delle coppe che da oggi sono tornate

e di quanto succede nelle partite

 

la prima di queste partite che si farà stasera

sarà tra milanisti e bianconeri

preghiamo Iddio che niente di male gli capiti

e che si giocherà con tutto il cuore

 

domani poi, veniamo alle cose nostre,

domani tocca a noi napoletani

che ce la giocheremo, come vorrà nostro Signore,

con questi compari dell’Inter di Milano

 

Come andrà, non lo sappiamo ancora

a noi ci piace vincere con tutti

ma la prima cosa che teniamo cara

(sappiate) che è quella della salute, sopra tutto.