Arragliata pe la venceta ‘n coppa cu la Lazio

 

Arragliata pe la venceta ‘n coppa cu la Lazio

 Cu n’arragliata fatta sotto ‘e ccosce

Lurenzo s’ha fumato ‘o si’ Stracoscia;

Na bona mana ha rata rata San Gennaro

Mettenno a ffigurelle a Ssantu Ggiro.

Chest’è ‘a sustanza ‘e chello ch’è ssucieso

Aieressera ncopp’’o campo nuosto:

St’avota ‘o ciuccio, e nun sarrà nu caso,

cca s’è ammustato chiatto, frisco e ttuosto.

 

Fosse ca fosse la vutata bbona

E ghiesseno pe  mmare ‘e mmalesciorte

 faccia ‘e chille ca fann’ ‘e mbruglione

Pe ce vedé sotto ‘o tterreno, muorte.

Cert’è che ‘a squatra, ‘a cosa s’’a surata

Se so’ ccagnate maglie e cazunette:

Ancappa a cchisto ‘un fa fuì a cchill’ato…

E ppe ddoie vote s’’a so’ fatto sotto.

 

Accussì vvà, nun sempe malamente,

chist’è nu munno brutto e chino ‘e scale:

ê vvote ntorza ‘e mmole e scassa ‘e diente

senza pecché, ciert’ate, saglie ncielo…

*********************

Arragliata per la vittoria in coppa con la Lazio 

Con una ragliata fatta sotto le gambe

Lorenzo si è fumato il signor Stracoscia;

una buona mano l’ha messa san Gennaro

facendo fare figuracce a san Ciro.

Questa è la sostanza di quello che è successo

ieri sera sopra il nostro campo:

questa volta il ciuccio, e non sarà un caso,

qua si è dimostrato, in forze, fresco  tosto.

 

Fosse che fosse la voltata buona

E andassero pure a mare le disgrazie

Alla faccia di quelli che fanno gli imbroglioni

Per vederci sotto il terreno, morti.

Certo è che la squadra, la cosa se l’è sudata,

si sono cambiati maglie e calzoncini:

acchiappa a questo, non fare scappare quell’altro…

e per due volte se la son fatta sotto.

 

Così va, non sempre male,

questo è un mondo brutto e pieno di scale

a volta ti gonfia i molari e ti rompe i denti;

senza perché, certe altre ti porta in Cielo.

Carlo Avvisati